DRIVERS EDUCATION CENTER SA LTO-7 ABLI NA!

DRIVERS EDUCATION CENTER SA LTO-7 ABLI NA!

Ang Land Transportation Office (LTO) 7 miabli na sa ilang Drivers Education Center (DEC) nga gituyo og mugna para sa mga kabos ug angayan nga makabaton og lisensiya sa pagmaneho og sakyanan.

Si Regional Director Victor Caindec sa LTO 7 nagkanayon nga nadasig siya sa pagmugna sa DEC gumikan sa Malasakit  Center nga giumol Senator Bong Go kansang tumong mao sab ang pagtabang sa mga kabos nga masakiton.

Ang hepe sa Cebu City district office sa LTO 7 nga si Joel Maloloy-on nagkanayon nga mobayad lang og P300 ang mahimong estudyante sa DEC para sa tulo ka adlaw balor og 15 oraa nga pagtuon para makakuha sila og student permit.

Giklaro ni Maloloy-on nga adunay official receipt sa LTO ang gibayad nga kantidad nga maoy ilang gamiton pagpamalit sa reading ug activity materials sulod sa 3 ka adlaw nilang pag-eskwela para matudloan sila sa hustong pamaagi ug balaod trapiko sa ila unyang pagmaneho kon aduna na silay regular driver's license.

Ang tumong  sa istrikto nga pagkuha sa lisensiya sa pagmaneho ug pagpaubos sa mga aplikante nga mo-enroll labi na sa mga private driving school para sa kaluwasan sa tanan diha sa karsada.

"Ang tuyo gud sa atoang gobyerno nga ma-institutionalize ang pag-isyu og lisensiya sa atoang mga aplikante because we want a better and safer roads." Padayag ni Maloloy-on.

"Gusto nato sa LTO nga maka-isyu ta og lisensya ngadto sa competent and qualified drivers kay this is a new program sa DOTr nga gipatuman tungod kay nakita nato nga in the past dili systematic and institutionalize ang paghatag og lisensiya" Dugang sa hepe sa Cebu City district office.

Gipasabot ni Maloloy-on nga kini maoy maghatag og solusyon sa problema sa karsada sama sa disgrasya nga posible pang mosangpot sa kamatayon sanglit pulos na disiplinado ang mga drivers.

Ang LTO 7 adunay akreditado ug well-trained nga instructor ubos sa pagpangulo ni Paul Machacon kinsa maoy motudlo sa mga estudyante kinsa nagkinahanglan og endorsement sa ilang mga barangay kapitan o LGU nga nagpamatuod nga sila mga kabos ug angay makabaton og student permit o driver's license.

(Credits @ SuperBalita Cebu)

#GianTVPages